ماهى آفضل طرق البيع بإعلانات فيس بوك ؟ 

أهلا بيك , نتمنى تكون فى أحسن حال إنت ومشروعك الخاص , من المعروف إن فيس بوك وإنستجرام هما آكثر الآماكن فى العالم إزدحاماَ بعملاء
محتملين لمشروعك
السؤال هنا كيف تستخدم إعلانات فيس بوك لتحقيق آعلى معدلات بيعية من عملائك المحتملين ؟
فى الحقيقة الآمور بتختلف يوم بعد يوم , من حوالى سنة ونص كانت الطريقة المثلى
إنك تعمل إعلانات وتبعت ” ترافيك “- زيارات ” لصفحة فى موقعك
وتعرض معلومة أو خدمة أو خصم , عشان توصل لبيانات المهتمين من عملائك
زى الإسم , الإيميل , رقم التليفون
إنهردة بقا الموضوع ده ممكن يحصل بإعلانات فيس بوك ليد آدز بدون ماتخرج العميل من الموقع
آكيد إنت شفتها قبل كده ؟

البيانات دى  – لو اول مره تسمع الكلمة – إسمها LEAD
بيانات عميل محتمل , مسجلها بمزاجه ,
لو انت ساحبها او جايبها بأى طريقة .. ف هى مش ليدز خالص
ف الآخر كل بيزنس فى العالم المفروض إن يكون ليه نسبه فى تحويل المبيعات من الليدز
بعض الآمثلة الحقيقية :
شركة آثاث مكتبى من كل 54 عميل يتم تسجيل بياناتهم يحققوا مبيعة واحدة , بحساب متوسطات 3 شهور
شركة تدريب وكورسات من كل 35 عميل يتم تسجيل بيانتهم يتم إشتراك فعلى لـشخصين بحساب متوسطات 3 شهور
شركة لتركيب كاميرات المراقبة والآنظمة الآمنية تحقق مبيعة من كل 9 عميل سجلوا بيانتهم بحساب متوسطات 3 شهور
وهكذا بيتم حساب الميكانيزم الخاصة بالعملاء والمبيعات

السؤال ليك هنا ,  ,, مين آحسن مثال محقق نجاح من اللى فوق دول ؟ 

 الإجابة الغلط : مثال رقم 3 بتاع كاميرات المراقبة عشان بيحقق مبيعات من آقل عدد ليدز 

لكن الموضوع متعلق بكم تكلفة الـ(54 – 35 – 9 ) عملاء ؟
كم تكلفة الليد فى الإعلان وكم هي نسبة التحويل لعملاء ؟

 إليك ( 3 ) نصائح لتساعدك على البيع بإستخدام إعلانات فيس بوك ليـــــدز ,   :

نصيحتى الآولى تبادل المعلومات 

ساعد الناس بتحفيزهم على التسجيل بمعلومة مفيدة , كل ماحس انه هيستفاد حاجة من تسجيل بياناته
حتى لو مش هيشترى , ده هيساعده يشترى بشكل آسرع . 

 مثال : سجل بياناتك الآن وسيتم إرسال قائمة الأسعار والمساحات الداخلية مباشرة

التواصل المباشر الفعال , نصيحتى الثانية

صراحة هذه نقطة غير تسويقية , هى خاصة بقسم المبيعات او خدمة العملاء او اياَ كان ماتسموهم
ولكن الحقيقة إننا كمسوقين بنحب نتحشر فى حاجات مش شغلنا عشان نتأكد إن المجهود والفلوس مش بتروح ع الفاضى

هيتم إتصال تليفونى مع العميل , خلال 48 ساعة على الآكتر من تسجيل بياناته ( يفضل فآول 24 ساعة )
التواصل بيكون هدفه :
معرفة إحتياجاته و إجابة آسئلته وتآكيد الخطوة الجايه ؟
هل هيشترى الخدمة او المنتج دلوقتى آم بعدين ؟ آم مش هيشترى خالص
لازم الإجابة دى تكون واضحة وصريحة
لازم الشيتات او الـCRM او شيت الدرايف اللى بيتسجل فيه المعلومات يكون مصمم على الرتم ده
المنظومة دى , على حسب عدد الليدز اللى بتخش البيزنس بتاعك
على حسب حجم الفريق اللى بيعملها
ولكنها مش مهمة لشخص واحد , لازم دايماَ يكون فى حد بيراقب , بيحسب وبيحلل
ومش هقدر آتكلم آكتر عشان محدش يزعل مننا 🙂 .

نصيحتى الثالثة إستعد للمتابعة 

 آنا شخصياَ معنديش مشكلة إن يشترى عميل من كل 1000 ليد مسجل بياناته
الرفض جزء من اللعبة , كل حد بيقول لأ للبراند الخاص بيك هو بيقربك من المتوسطات اللى مشروعك ماشى بيها
 خلى بالك إن 16% بس من الليدز هما اللى ممكن يشتروا بعد أول تواصل معاك
طيب والباقى هل هتسيبهم ؟
المتابعة الممنهجة هتحققلك الذهب لمشروعك
بمجرد تسجيل العميل فى إعلان فيس بوك ليد آد يمكنك آن ينضم آوتماتيكياَ لقوائمك التالية
بعض الآمثلة :
إعادة الإستهداف برسائل الموبايل
تسجيل العملاء فى قائمة بريدية على الإيميل
التسجيل فى قائمة فيس بوك مسنجر بالذكاء الإصطناعى
إعادة الإستهداف عبر حملات ريتارجتينج فى فيس بوك وجوجل
كل ده بيتم بشكل آلى بدون اى تدخل منك تخيل
ده بنسميه
PHONE FUNNEL FRAME WORK 
وممكن نبقى نشرحه فى مقالة منفصلة مدعم بأمثلة آكتر لو إنت مهتم بإحتراف التقنيات دى
لآن ببساطة صعب تلاقى شركة تسويق رقمى تعملك الرتم والإيقاع ده لشغلك إلا لو إنت عارف إنت بتعمل ايه 

فى النهاية النقط اللى فوق دى العوامل اللى هتساعدك تبيع آكتر من إعلانات فيس بوك ليدز بآفضل طريقة  

بالتآكيد هى لاتغير من العناصر الآساسية للحملات والإعلانات الناجحة وهى : 

الصيغة , التصميم , والإستهداف للجمهور 
نتمنى تكون المقالة غنية بمعلومات ليك , ولو عندك آى إستفسار تقدر تبعتهولنا على صفحتنا  

 ,وخلى بالك إن خلال 24 شهر آسعار الإعلانات فى فيس بوك وإنستجرام هتكون أغلى بكتير للمشاريع المتوسطة وصغار المعلنين .. ,وفقاَ لمضاعفات مبدأ المزايدة فى تسعير الإعلانات