3 طرق لزيادة التفاعل على الانستجرام

الانستجرام بقى موقع عالمي زيه زي الفيسبوك و تويتر , علشان كده لازم نديله حقه شوية فكرة الانستجرام مش مختلفة كتير عن الفيسبوك بس الأختلاف ان في بوست الأنستجرام بيكون عبارة عن صورة , و وصف للصورة او تعليق بيوصف الصورة دي ( ,(Caption احنا في المقال ده هنقولك 3 طرق تحسن بيهم طريقة كتابة الوصف في كل بوست بتكتبه عشان تزود التفاعل على صفحتك بس الاول في حاجة مهمة لازم تعرفها….مش مهم انت بتقول ايه,المهم ان تكون انت الل بتقوله لان التقليد او النقل من المنافسين مش هيخليك مميز , و هيضرك , عشان كده لازم تدي الوصف حقه و الوقت المناسب ليه و تحاول على قد ما تقدر تكون مبدع و مختلف و مميز

الطريقة الأولى….كلمة و\\أو ايموشن :

في مثل قديم بيقول ” صورة بالف كلمة ” اوقات كتير الصور بتتكلم و بتقول اللي احنا مش عارفين نقولة , ف في حالة ان الصورة معبرة جداً و بتحرك مشاعر جوا الانسان و جودتها عالية ,لو الوصف اللي تحتها طويل ده هيشتت المتابع عن جمال الصورة و الرسالة اللي بتوصلها و بالتالي التأثر هيقل هو طبعاً دي مش طريقة للبيع اواستراتيجية هتمشي عليها عشان تزود معدل الشراء من صفحتك , بس دي طريقة عشان تطرد الملل و تزود التفاعل ,و كمان عشان متهدرش كل المحتوى بتاعك مرة واحدة.

الطريقة التانية….الوصف في صيغة محادثة \\سؤال :

من احسن الطرق اللي ممكن تستخدمها في كتابة الوصف انك تاخد رأي متابعينك في حاجة ,أو تسألهم هم بيفضلوا ايه او حابين تعملهم ايه الطريقة دي مش بتخلي الوصف يزيد عن سطرين و في نفس الوقت بتحسس المتابع انك بتشتغل عشانه و مهتم تعرف رأيه و تعمله اللي هو عايزه , و ده طبعاً بيزود التفاعل جداً خصوصاً التعليقات و كمان ممكن تستخدم صيغة سؤال نعم\\ لا , يعني تنزل صورة معينة(لمنتج , لستايل لبس , لمكان معين,…) ليها علاقة بالمنتج و تسأل الناس عاجبهم و لا لأ

الطريقة التالتة….الوصف الطويل :

دايماً البوستات او الوصف الطويل سمعته وحشة , و في شركات كتير مقتنعة ان محدش هيقرا بوست او وصف اكتر من 3 جمل و بتبعد عنه تماماً هو الفكرة دي حقيقة نوعاً ما , بس تفسر بايه البوستات الطويلة اللي بتجيب تفاعلات خرافية !!الفكرة في طريقة تنسيق الكلام , الوصف حتى لو 100 كلمة بس متنسق صح بطريقة جذابة هيخلي التفاعل كبير جداً , و يمكن اكبر من الوصف الصغير و لان بطبيعة الحال لما الكلام هيزيد هيوضح المعلومة اكتر.