أهلا بك , إنهردة بقى السوشيال ميديا وبخاصة فيس بوك تقريباَ الوسيلة التسويقية الأهم لـ80% من المشاريع او الشركات
لا يستغنى عنها اى شركة خاصة لو بتتعامل مع العميل النهائى بتقديم سلعة او خدمة
ده ليه عشان فيس بوك فى مصر والوطن العربى عليه اكتر زحمة ممكنة ممكن تلاقيها
ببساطة هو الترافيك ..

” فى دراسة لـ(5) عملاء نعمل معهم بمنظومة اليوجا بالمجال العقارى ,.. يشكل فيس بوك وحده 82 % من حجم مبيعاتهم خلال سنة 2017 “

سواء كنت صاحب مشروع بتعتمد على فيس بوك كمصدر للدخل  .. او كنت مسوق إلكترونى بتدير حملات لشركة او عملاء
أكيد بتمر بأوقات عصيبة لما بتحس بإن إعلانك مش بيسحب فلوس او مش بيحقق الميزانية كلها ..
كلنا مرينا بنفس الأحداث .. وف المستقبل ماتتوقعش ان ده هيقل بالعكس هيزيد
طب إيه الحل وهل معنى كده إن الفيس بوك مات تسويقياَ ؟ وندور على بديل

هل مات الفيس بوك تسويقياَ ؟

أكيد إنك تلاقي بديل او تعتمد على أكتر من وسيلة دى حاجة مفيدة …
وتقدر تختار مصدر ترافيك مناسب
بناء على أنماط عملائك ولكن الأكيد إن فيس بوك مماتش J
لسه بيتحقق بيه احسن النتائج وأعلى ROI او عائد عالإستثمار الإعلانى
لسه عليه اكبر ترافيك
لسه هو أكتر منصة إعلانية فيها إستهداف
طيب إيه سبب إنخفاض نتائج النتايج وإرتفاع التكاليف برضو ؟ وإزاى نتفاداها

أسباب إنخفاض نتائج الإعلانات وإرتفاع تكلفتها

قبل مانتكلم ع النقطة دى .. مهم جداَ إنك تكون فاهم طريقة عمل الـحسابات الإعلانية والحملات الممولة على فيس بوك
لو لسه معرفتش ممكن تقرى مقالة ” الخوارزميات الرقمية للإعلانات المدفوعة عالفيس بوك وإنستجرام “

السبب الأول :

المزايدة او الـBidding  على نفس الجمهور

الفيس بوك بيدى اولوية ظهور الإعلان لمين ؟
تخيل ان في 330 الف شاب خاطب في مدينة المنصورة
وتخيل ان في 10 معلنين إعلاناتهم بتهتم بالخاطبين
إيجار عربيات زفاف , وآتيلية فساتين و شركة تشطيبات و مصور وغيرهم عاوزين نفس الجمهور ده فى نفس الوقت
إيه اللى فيس بوك هيعمله ؟
مين هيظهرلو الاعلان الاول
أكيد اللى يدفع أكتر .. بالترتيب .. يدفع أكتر ف الميزانية اليومية او فى تحديد سعر التفاعل الأنسب
طب لو بقى في 75 معلن بيستهدفوا نفس الناس ؟؟
هل تتوقع ان الفيس بوك هيخلى كل الإعلانات دى تظهر … ؟ طب لو بقوا 150 ؟
أكيد لأ كنا هنطفش من فيس بوك .. ف ببساطة هييجى على إعلانات لحساب إعلانات تانية
وده السبب التانى

السبب التانى .. الفلوس مش كل حاجة .

إمتى الفيس بوك يخلى إعلانك ميظهرش لحد ويكون CPM  شبة منعدم لحساب معلنين تانيين

تفاعل الجمهور نفسه مع الإعلان .. سواء الجمهور ع الصفحة او العدد الطفيف اللى وصله الإعلان
على نفس المثال إعلان المصور وصل لـ1000 شاب وإعلان الآتيلية وصل لـ1000 شاب
للمصور تفاعل   9 من كل 100 بيتفاعلوا وللآتيلية 1 من كل 100 بيتفاعل
والفيس عنده طابور معلنين تانيين مستعدين يدفعوا عشان يشفهم نفس الجمهور ده لمدة لاتزيد عن ثانيتين
اكيد هيضعف وصول إعلان لحساب إعلان تانى عنده مميزات معينة
مين هيعجبو الإعلان اكتر ؟ أنهى حساب إعلان الـAuthority  بتاعته أسرع والفيس بيثق فيه لأنه أقدم مثلاَ
تفاعل الجمهور نفسه مع الإعلان

المقياس هنا هو الـRelevance score  بتاع الإعلان

السبب التالت .. الروزنامة

الشركات اللى ليها ميزانيات تسويقية كبيرة بخطة ربع سنوية مثلاَ
ف شهر مارس او يونيو او سبتمبر او ديسمبر  بيكون للسببين اللى فاتوا او لأسباب تانية مصرفوش الميزانية الإعلانية كلها
حصل لينا اكتر من مرة إننا فى أخر شهر  بالكوارتر Quarter  مصرفناش الميزانية المتفق عليها كلها .. ناقص اكتر من نصها
إحنا كده موفرناش فلوس للعميل طالما الحملات ف الشهرين اللى فاتوا محققة نتايج كويسة
اللى حصل إننا سبنا فلوس ع الترابيزة ونتايج اكتر ما اتحققتش  ..
الحل البديهى اللى هنفكر فيه .. هنرفع الرتم .. هنضاعف الميزانية .. وهنصرف كل الفلوس J $$
النتيجة ؟ ضغط أكتر على المزايدة الإعلانية
بيتأثر بيها صغار المعلنين بشكل أكبر ( اللى ميزانيتهم اقل من 100 دولار ف اليوم )
الأسباب الـ3 اللى فاتوا دول بيكونوا لما يكون إعلان ليك شغال كويس وتكرر نفس الإعدادات لحملة تانية
وتبتدى النتايج تقل .. ولكن اى اعلان جديد مش شرط يكون السبب نقطة من دول
جايز يكون مشكلتك فى العرض او الصيغة او التصميم او الإستهداف او اى حاجة تانية
طب ايه حلول الأسباب دى او عالأقل إزاى تتفادى إنها تحصلك
دى قصة تانية وحكاية تانية ممكن تقراها من مقالة ” 11 طريقة لتزود من كفاءة إعلاناتك على فيس بوك وإنستجرام  “