لهذه الأسباب الـ7 تفشل المشروعات الناشئة

كتبت بواسطة : يوسف نور الدين 

أهلا بك , سواء كنت تعمل كمطور أعمال او صاحب مشروع او فكرة .. سواء كانت هذه رحلتك الأولى فى عالم العمل الحر ام سبق وان واجهت هزيمة أو اكتر .. ام أن تلك تجربتك الأولى
فالواقع يقول أن 80% من المشروعات تفشل خلال أول عامين لها .. بينما يستمر 20% فقط لما بعض ذلك وتصل النسبة إلى 96% من الفشل بعد 5 سنوات .. الفشل ليس بالضرورة ان المشروع يقفل .. ممكن يكون عدم تحقيق اللى كان نفسهم فيه

بالتأكيد ذلك خبر سىء .. ولكن الخبر الجيد هو إنك فى المقالة دى  هتعرف تحديداَ  ايه اللى عليك تعمله  لتتواجد ضمن الـ20%

فالبداية خلونا نتخيل إن الـ80% ده نوع من البشر ليه تصرفات وسلوكيات وافعال وطريقة تفكير ,
وأكيد الـ20 % التانيين – اللى احنا عاوزين نبقى زيهم – ليهم تصرفات وسلوكيات وطريقة تفكير مختلفة
طيب إيه هى الفروق مابينهم ؟ :

1- صياد ومزارع .

يحب جميعنا المال والنجاح ,

الـ80% بيفكروا بعقلية الصياد .. اللى هى ف البيزنس نظرية السبوبة بيدور على النجاح الوقتى والسريع .. بينتهز الفرص
الـ20% بيفكروا بعقلية المزارع والبناء , بيبنى لقدام فابيعمل إحتياطات لكل فصل من فصول السنة

2- التخمين والحكم المسبق

الـ80% عندهم دايما َ Prejudge  على الحاجة , بيفكروا لقدام أكتر من اللازم

الـ20% بيدوا الحاجة حقها وبيحط احتمالية إنه يطلع غلط والأمور ماتمشيش زى ماهو عايز مابيحكموش عالحاجة غير بتنفيذها

3- حس الإستعجال

الـ80% عندهم دايماَ إحتمالات واوقات مرنة لتنفيذ خطتهم , ممكن يأجل حاجة بسهولة .

الـ20% بيعملوا الحاجة دلوقتى .. حس الإنجاز عندهم مرتفع اكتر من اللازم بيفرز جسمهم دوبامين تلقائى ضد التأخير .

4- دور البشر

الـ80% بيلوموا الناس او المجتمع او الفريق عند اى مطب او خطأ

الـ20% عندهم حس إمتلاك عالى , عارف ان الدنيا مش هتمشى سالكة ومش بيلوموا حد ولكن بيستمروا فإيجاد حلول

5- بناء الفريق / الموظفين

الـ80% بيحتاجوا ناس تساعدهم فى نجاح فكرتهم او مشروعهم , بيدوروا على موظفين بتكلفة قليلة ينفذوا اللى هما عاوزينة

الـ20% بيدوروا على انهم يبنوا فريق ويساعدوا ناس تنجح جوه وبره الشغل

6- معركة أم حرب ؟

الـ80% لما الدنيا بتقفل معاهم بيتقبلوا الهزيمة , ولكن بيقرروا بسهولة إنهم مايكملوش الحرب

الـ20% لما الدنيا بتقفل معاهم برضو بيتقبلوا الهزيمة ولكن بيعتبروها جزء من الحرب

7- ف حب فكرتهم

الـ80% بيثقوا فى رأى نفسهم أكتر , مش بسهولة بيلجأوا لأصحاب المعرفة لأخذ إستشارات , بيعندوا وبيفرهدوا نفسهم

الـ20% بيدور على المعارضين لمشروعه او نجاحه .. عشان يشوف الأمور من زوايا مختلفة

إنت دلوقتى عرفت إزاى تكون من الـ20% الناجحين بمشروعاتهم . ساعات المشكلة فعلاَ بتبقى إحنا
نتمنى كلامنا يساهم فى مضاعفة نجاحك ورحلتك لتحقيق أهدافك
وإحنا تحت أمرك دائماَ لآى إستشارات تسويقية – دائماَ مجانية –
#يوجانيزم
15/6/2017

عاوز تتعرف على معلومات سحرية لنجاح عملك أونلاين ؟

المزيد من المقالات المختارة

كيف تبيع بإستخدام فيسبوك Lead Ads

كيف تحقق مبيعات بإستخدام  Facebook Lead Ads  كتبت بواسطة : يوسف نور الدين ماهى آفضل طرق البيع بإعلانات فيس بوك ؟  أهلا بيك , نتمنى تكون فى أحسن حال إنت ومشروعك الخاص , من المعروف إن فيس بوك وإنستجرام هما آكثر الآماكن فى العالم إزدحاماَ بعملاء محتملين لمشروعك السؤال...

read more

خطوات تعملها على فيس بوك لو ميزانيتك غير كافية

خطوات تعملها على فيس بوك لو ميزانيتك غير كافية كتبت بواسطة : يوسف نور الدين خطوات تعملها على فيس بوك لو ميزانيتك غير كافية   أهلا بيك , نتمنى تكون فى أحسن حال إنت ومشروعك الخاص , من المعروف إن التسويق الرقمى هو إستثمار وبإستخدامك إستراتيجية تسويقية مناسبة – على فيس...

read more

كيف تتأكد ان موقعك بدون أخطاء برمجية ومناسب لجوجل

كيف تتأكد ان موقعك بدون أخطاء برمجية ومناسب لجوجل الأعضاء والزوار الكرام اليوم سنناقش معكم كيفية التأكد من خلو مواقعنا من الأخطاء البرمجية وطريقة فحص الموقع للتأكد من سلامته بالكامل لأن الأخطاء البرمجية قد تأخر عمليات الأرشفة وتؤثر في قوة الموقع بداية سأعرفكم إلي أكثر...

read more