خطوات تعملها على فيس بوك لو
ميزانيتك غير كافية

أهلا بيك , نتمنى تكون فى أحسن حال إنت ومشروعك الخاص , من المعروف إن التسويق الرقمى هو إستثمار وبإستخدامك إستراتيجية تسويقية مناسبة – على فيس بوك وإنستجرام –
يكون كل 1 دولار تصرفه يعود إليك متضاعف
ف البعض يحقق عائد عالإستثمار 1 : 50 ( كل 1 دولار إعلانات يحقق 50 دولار ربح مبيعات )
والبعض يحقق 1 : 1.20 ( كل 1 دولار إعلانات يحقق 20 سنتاَ )
تختلف العوائد بإختلاف نوع المشروع وهامش ا لربح والتكاليف
ولكن كلا المثاليين السابقين يعتبروا معادلات ناجحة
المثال الأول يحتاج ان يصرف ميزانية 10$ ليصل إلى 500$
بينما يحتاج المثال التانى لميزانية 500$ ليصل لـربح 100$

السؤال هنا , ايه اللى ممكن اعملوا للبيزنس بتاعى
لو معيش ميزانية هتحققلى ربح مناسب ؟

الإجابة الغلط : أبتدى بالميزانية اللى معايا وأكبر الدنيا واحدة واحدة

هنا مخاطرة غير محسوبة … غالبا َ ماستنتهى بالخسارة

الإجابة الأولى :

الأمر متعلق ببديل الفلوس وهو “الوقت” عليك ببذل مزيد من الجهد
لتسويق شغلك بطريقة مباشرة

إليك ( 5 ) خطوات لتساعدك على الإنتشار بدون ميزانية :

خطوه 1

1- إعتمد على جروبات فيس بوك فى تعريف الناس بجروبك وأطلب منهم التعليق للإشتراك فيه 

مع كتابة وصف مناسب .
” الطريقة دى فعالة جداَ , لو نفذت من 90 لـ120 دقيقة يومياَ

خطوه 2

جهز أكونت إنستجرام بيزنس , وإبعت DM عرف الناس بمنتجاتك وخدماتك او بالمحتوى اللى انت بتكتبه أدخل ع الهاشتاجات اللى فيها جمهور مناسب لشريحتك المستهدفة
وابعتلهم , بشكل لطيف ومتحاولش تـSpam
تقدر تنفذها لمدة 40 دقيقة على جلستين فى اليوم

خطوه 3

إستخدم الـ MarketPlace
ميزة حديثة من فيس بوك , نزل عليها منتجاتك فى أوقات متفاوتة على مدار اليوم
اهتم بالوصف لأن فى ناس بتعمل سيرش مباشرة على اللى بتدور عليه
أربط إعلاناتك بالجروب بتاعك ونوع الأماكن الجغرافية للإعلان بحسب نطاق الشحن
15 دقيقة فى 6 – 7 مرات

خطوه 4

أطلب موزعين أو وكلاء بيع , أو مسوقين بالعمولة
ده هيساعدك تتعرف على ناس وانماط مختلفة فى البيزنس ,
العلاقات دى هتكون حلقات وصل هتستفاد منها بعدين .
40 دقيقة يومياَ

خطوه 5

تابع الرسائل والتعليقات وأهتم بالطلبات
كل عميل حالى لك هو إمتداد لنجاحك , إهتم بتواصلهم , تابعهم , ولا تنسى أخذ أرائهم بعد عملية الشراء

فى النهاية مهم إن كل ربح هتحوشه للتوسع فى البيزنس
وفى إدارة حملات تسويقية وتوسيع فريق العمل وخدمة العملاء
وكل الطرق اللى فاتت أوعى توقفها هتستمر نجاحها معاك ,
تقدر تكلف آخرين بتطبيقها وهتبقى هى من ساعدت مشروعك على تجاوز عنق الزجاجة

الاجابه الثانيه:

لو معنديش وقت اعمل الحاجات دى ؟ او مش بفهم ف الكمبيوترو النت أوى ؟
أعمل ايه ؟

الحقيقة إن كل سؤال ليه أكتر من إجابة ,
لو معندكش ميزانية كافية لإدارة حملات مدفوعة , ومعندكش وقت ؟

 آسفين .. حالياَ الإنترنت مش السوق الأنسب ليك إنك تتوسع ,وخلى بالك إن خلال 24 شهر آسعار الإعلانات فى فيس بوك وإنستجرام هتكون أغلى بكتير للمشاريع المتوسطة وصغار المعلنين .. ,وفقاَ لمضاعفات مبدأ المزايدة فى تسعير الإعلانات