خمس اخطاء في عملية التسويق الالكتروني
كتبت بواسطة :يوسف نور الدين
خمس اخطاء في عملية التسويق الالكتروني
مواقع التواصل الاجتماعي النهاردة من اقوى كروت التسويق في السوق , بس مش كل التفاعل اللي بتشوفه على صفحات المنتجات البيعية بيتحول لمحاولات شراء حقيقية , عشان كده كتير من الشركات بتلجأ لطرق التسويق التقليدية و بتهمل السوشيال لميديا لانهم مش عارفين يتعاملوا مع العملاء من خلالها
بس علشان السوشيال ميديا بتخليك توصل لاكبر عدد من الناس بطريقة اسرع و التسويق من عليها تكاليفه اقل من تكاليف التسويق التقليدي بنسبة 62% , فده الوقت اللي انت لازم تتعلم فيه ازاي تتعامل مع العملاء من خلال السوشيال ميديا و تحولهم لعملاء حقيقين و عندهم رغبة حقيقية في الشراء
:طب ليه العملاء مش بيشتروا اصلاً !!!….. عشان عندك عيب او اكتر من الخمس عيوب دول
:اولا:-البراند بتاعك مش مميز عن غيره
قبل ما تعمل البراند بتاعتك لازم تكون عارف ان في الف واحد زيك بيعملوا نفس الحاجة , فلو انت مدتنيش الحافز اللي يخليني اسيب فلان و اجي اشتري من عندك بكل بساطة انا مش هاجي لانك زيك زي غيرك , دور على ميزة (سعر أقل-جودة أعلى –عرض مميز) تخليك تتفوق على منافسينك و تخلي العملاء يفضلوا المنتج بتاعك عن غيره
ملحوظة : ممكن يكون عندك ميزة بس مش ظاهرة للعملاء بوضوح
ثانياَ:-المحتوي غير واضح
” انا هستفيد ايه !!”
ده اول سؤال بيجي في دماغ العميل المحتمل اول ما بيقرأ اي محتوى عن اي منتج , عشان كده اكبر غلطة بيقع فيها منشئ المحتوى انه مش بيوضح الفايدة اللي هتعود على العميل مش شراء المنتج الفلاني , او انه بيوضح بس في اخر بوست طويل جداً العميل اصلاً مش هيقراه لاخره , و عدم الوضوح خطر جداً لانه بيفتح باب التخمين لعدد كبير جداً من الناس و اللي ممكن عدد كبير منهم يخمن غلط ,و بكده تكون فكرة و هوية المنتج موصلتش للعميل من الاصل
الخلاصة : خليك واضح ,و في كل محتوى او رسالة او طريقة تواصل مع العميل جاوبله بطريقة غير مباشرة على السؤال اللي هو بيسأله جواه ” انا هستفيد ايه!!”
ثالثاَ:-المحتوي ممل
لو بتقدم في صفحتك حاجات مملة و تقليدية فاكيد التفاعل على الصفحة هيكون قليل جداً
الابداع يعني تبقى مختلف و جذاب, و تقدم حاجات متقدمتش قبل كده بصورة ممتعة و جذابة , و ده هيكون اول الطريق في زيادة التفاعل على صفحتك , و كمان هيجذب عملاء تانين انهم يشوفوك و يعرفوا بوجود البراند بتاعك
رابعاَ:-المحتوي مش مفيد
في اي منتج هتقدمه للناس هيكون حواليه بعض الأسئلة اللي هتحتاج تجاوب عليها , زي فوايد المنتج , او معلومات تثقفية عن المنتج و استخداماته , المهم انك تقدم معلومة جديدة للي هيقرأ المحتوى بتاعكهتضيفلك و تضيفله .
خامساَ:-البطء في الاستجابه
لازم تكون 24 ساعة على اتصال بالعملاء المحتملين و تجاوب على كل اسئلتهم و استفساراتهم , لانك لو اتأخرت في الرد ده هيتترجم على انه اهمال او عدم اهتمام بفكرة البيع من الأساس , و بكده هتبقى خسرت العميل بكل سهولة , عشان كده خليك دايماً متابع و حاول تحسس العملاء المحتملين انهم مهمين عندك و تجاوب على كل استفساراتهم من غير ملل .
تجنب الان الوقوع في هذه الاخطاء وابدا في عمليه التسويق الالكتروني
عاوز تتعرف على معلومات سحرية لنجاح عملك أونلاين ؟
المزيد من المقالات المختارة
كيف تبيع بإستخدام فيسبوك Lead Ads
كيف تحقق مبيعات بإستخدام Facebook Lead Ads كتبت بواسطة : يوسف نور الدين ماهى آفضل طرق البيع بإعلانات فيس بوك ؟ أهلا بيك , نتمنى تكون فى أحسن حال إنت ومشروعك الخاص , من المعروف إن فيس بوك وإنستجرام هما آكثر الآماكن فى العالم إزدحاماَ بعملاء محتملين لمشروعك السؤال...
خطوات تعملها على فيس بوك لو ميزانيتك غير كافية
خطوات تعملها على فيس بوك لو ميزانيتك غير كافية كتبت بواسطة : يوسف نور الدين خطوات تعملها على فيس بوك لو ميزانيتك غير كافية أهلا بيك , نتمنى تكون فى أحسن حال إنت ومشروعك الخاص , من المعروف إن التسويق الرقمى هو إستثمار وبإستخدامك إستراتيجية تسويقية مناسبة – على فيس...
كيف تتأكد ان موقعك بدون أخطاء برمجية ومناسب لجوجل
كيف تتأكد ان موقعك بدون أخطاء برمجية ومناسب لجوجل الأعضاء والزوار الكرام اليوم سنناقش معكم كيفية التأكد من خلو مواقعنا من الأخطاء البرمجية وطريقة فحص الموقع للتأكد من سلامته بالكامل لأن الأخطاء البرمجية قد تأخر عمليات الأرشفة وتؤثر في قوة الموقع بداية سأعرفكم إلي أكثر...