شرح إزاى تعمل براند شخصي من الصفر ؟ 

كتبت بواسطة : يوسف نور الدين 

إزاى تأسس البراند الشخصى من الصفر؟

صباح الخير أينما كنتم , فى العصر الحالى مش الشركات والمنتجات فقط اللى بتبقى براند , كل شخص بخبراته ومهاراته ومعرفته ومعارفه بيمثل براند شخصى او زى مابنسميه ” بيرسونال براند” فوائد كتيره لشغلك ولمسارك الوظيفى لو عندك بيرسونال براند ناجح وأضرار كتيره لو البراند بتاعك ضعيف او ظهورك اونلاين غير إحترافى علشان كده مهم جداَ إنك لما تبدأ البراند الشخصى بتاعك , تبنيه بإحترافية عالية جداَ وبعد ماتبنيه تديلوا الوقت والمجهود المناسب عشان يفضل دايماَ قوى ومعبر عنك لو إنت مش جاهز لكده دلوقت , فتأجيل الخطوة هيكون أحسن من انك تظهر بشكل متواضع مع العلم إن بتأخيرك ده بتخسر فرص وفلوس كتير لأن المستقبل عالإنترنت أصعب للمبتدئين تعالوا نعرف إيه هى

 

:الخطوات إنك تبنى البراند الشخصى بتاعك من الصفر

:الخطوة الآولى

إختار إسم موقعك والدومين بتاعك وإشتريه حتى لو مش هتعمل الموقع دلوقتى

:الخطوة الثانيه

هات مصور محترف , وإعمل بيزنس فوتوسيشن بما يعبر عن شغلك او تخصصك كمان تقدر تعمل لنفسك صورة ” ماسكوت او فيكتور ” كارتون او مرسومة لإضافة رتم بسيط هيسهل عليك انك تقرب لناس اكتر

:الخطوة الثالثه

اختار لنفسك إسم واحد على كل شبكات السوشيال ميديا اللى هتشتغل عليها وإتأكد إن الإسم ده متاح على كل الشبكات تقدر تعرف الإسم متاح ولا لأ بإستخدام مواقع زى : https://namechk.com/

:الخطوة الرابعه

إكتب ” كلمتين ” او تعريف بسيط عن نفسك , بدون مجاملة وبوضوح او بالطريقة الأنسب ليك وتعبر بيها عنك لو اى حد عاوز يعرف انت بتعمل ايه بسهولة وبدون غموض , الوصف ده هتحطوا فى آغلب الشبكات والمواقع بتاعتك

 

:الخطوة الخامسه

إختار الوانك وإعمل التصميمات للبراند الإحترافية فى تكوين وعى بصرى ببالته آلوان ثابته كل تصميماتك والهوية بتاعتك بنفس الآلوان تقدر تختار بالته من الموقع ده https://coolors.co/ طبعاَ المقصود بتصميمات هو لاى اوت ثابت هتغير فيه بعد كده على حسب المحتوى اللى هتنزله

:الخطوة السادسه

إنشىء حساباتك على السوشيال ميديا المختلفة ” فيس بوك , إنستا , لينكد إن ,. … على حسب تخصصك ومجالك والأنسب ليه ابتدى كمل بروفايلك على الحسابات كلها وحط الصور والتصميمات الآوليه ليك وبعد كام إعمل سيرش على جوجل بإسمك عشان تتأكد إنك ظاهر فى اول صفحة لو مظهرتش يبقى اكيد بروفايلك لسه ناقصه حاجات كتير ملحوظة : لو إنت عندك حسابات قديمة من قبل ماتنوى إنك تعمل براند لنفسك ممكن تستخدمها بس إتأكد إنك اديتهم نفس الشكل واليوزنيم بتاع البراند الجديد

:الخطوة السابعه

إتكلم بشجاعة وابتدى جهز المحتوى بتاعك راعى إنك تتكلم بضمير ” انا ” مش إحنا او “هما” جهز ميزانية إعلانية , عشان مش هتحقق نتائج قوية بشكل مجانى أبداَ واوعى تتعب فى محتوى , محدش هيشوفوا 

وبكده البراند الشخصى بتاعك جاهز , ممكن الخطوات دى تاخد منك 3 ساعات , او 3 أشهر المهم إن بمجرد ماتاخد قرار إنك تبتدى مسئولياتك زادت , ورحلة نجاحك إختلفت فهكرر ليك نفس النصيحة .. إنت تستاهل كل خير , ماتظهرش بشكل متواضع لأن بعض التفاصيل مش كاملة

 

لمعرفة إزاى تشتغل عالبراند الشخصى بتاعك وتحقق نجاح مختلف تقدر تطلع على ” خطوات مضمونة لإنجاح براندك الشخصى ”

عاوز تتعرف على معلومات سحرية لنجاح عملك أونلاين ؟

المزيد من المقالات المختارة

كيف تبيع بإستخدام فيسبوك Lead Ads

كيف تحقق مبيعات بإستخدام  Facebook Lead Ads  كتبت بواسطة : يوسف نور الدين ماهى آفضل طرق البيع بإعلانات فيس بوك ؟  أهلا بيك , نتمنى تكون فى أحسن حال إنت ومشروعك الخاص , من المعروف إن فيس بوك وإنستجرام هما آكثر الآماكن فى العالم إزدحاماَ بعملاء محتملين لمشروعك السؤال...

read more

خطوات تعملها على فيس بوك لو ميزانيتك غير كافية

خطوات تعملها على فيس بوك لو ميزانيتك غير كافية كتبت بواسطة : يوسف نور الدين خطوات تعملها على فيس بوك لو ميزانيتك غير كافية   أهلا بيك , نتمنى تكون فى أحسن حال إنت ومشروعك الخاص , من المعروف إن التسويق الرقمى هو إستثمار وبإستخدامك إستراتيجية تسويقية مناسبة – على فيس...

read more

كيف تتأكد ان موقعك بدون أخطاء برمجية ومناسب لجوجل

كيف تتأكد ان موقعك بدون أخطاء برمجية ومناسب لجوجل الأعضاء والزوار الكرام اليوم سنناقش معكم كيفية التأكد من خلو مواقعنا من الأخطاء البرمجية وطريقة فحص الموقع للتأكد من سلامته بالكامل لأن الأخطاء البرمجية قد تأخر عمليات الأرشفة وتؤثر في قوة الموقع بداية سأعرفكم إلي أكثر...

read more