ازاي تأسس البراند الخاصة بيك ؟!
ازاي تأسس البراند الخاصة بيك ؟!نفسك تعمل براند زي البراندات المشورة بس تكون بتاعتك انت !على فكرة انت تقدر لو ليك خبرة في مجال معين و نفسك تنجح فيه , ففكرة وجود براند خاص بيك هيميزك عن غيرك و هيحطك على اول طريق النجاح لو عايز تعرف ازاي تطور البراند بتاعك و تخليه من اقوى البراندات في العالم , اقرأ الخطوات الجاية دي لأخرها 1- الالتزام   : كل واحد فينا جواه مبادئ معينة عايش بيها , و كل التصرفات اللي بيعملها في حياته مبينة على المبادئ دي , و المبدء الأساسي اللي المفروض يكون عندك هو انك تكون صادق مع نفسك , و تكون شخصية ملتزمة يعني “تعمل اللي بتقوله” مينفعش تبقى تصرفاتك عكس الكلام اللي بيخرج منك , مينفعش تقول انا هصحى الساعة خمسة الصبح , و تقفل المنبه و تنام , مينفعش تفول انا هبدأ دايت من بكرة و متبدأش  لانك بالشكل ده لو عندك تسليم شغل يوم التلات هتبدأ فيه الاربع و عمرك ما هتنجح خليك قد كلامك 2- التميز :كل حاجة في الدنيا ليها مميزاتها و عيوبها , عشان كده لازم تخلي مميزات البراند بتاعك تغطي على عيوبه , و كمان تغطي على مميزات البراندات المنافسة ليك , عشان كده لازم الاول تكتشف اي هي الميزة اللي عندك بتخليك مميز عن باقي الناس و اللي انت هتستخدمها عشان تخلي البراند بتاعتك مميزة عن باقي البراندات و الميزة عموماً بتبقى نابعة من مبادئ او معتقدات الانسان ,يعني لو انت مثلاً معروف انك شخص صادق , ده اكيد لانك مؤمن ان الكدب ملوش رجلين , و بالتالي الناس كلها هتثق في كلامك و فيك لانك بتعمل اللي بتقوله , و ده هيدي البراند بتاعك ميرة قوية “المصدقية” تقدر تنافس بيها باقي البراندات و لو انت لسه متعرفش ايه الميزة اللي عندك ابدأ دور عليها من دلوقتي ممكن تكون ميزتك انك انسان ذكي , محل ثقة , ملتزم , مبدع ,صريح, …. و غيرهم كتير.

3- التواصل :عمرك قريت محتوى معين و حسيت انه مكتوب مخصوص عشانك؟! هو ده بالظبط اللي المفروض تعمله في البراند بتاعتك ….انك تحدد انت بتكلم مين أو بتوجه خدمتك لمين , و تاخد وقتك في التعرف على اهتمامات العميل و مشاكله , و بعد كده تبدأ تحسسه بكلامك انك عارفه و فاهمه و حاسس بيه , و في الاخر تقدمله حلول للمشاكل اللي بيواجهها في صورة المُنتج او الخدمة اللي البراند بيقدمها  بالشكل ده انت هتخلق علاقة قوية بينك و بين العميل بتاعك من غير ما يكون ما بينكم علاقة اصلاً.4- الشباك :لازم تحدد الطريقة اللي هتتواصل بيها مع عملائك , الشباك اللي هتفتحه بينك و بينهم عشان يقربكم لبعض, و اللي بيه هتعرّفهم بوجود البراند و اخر التطورات و العروض اللي بتنزلها , و غالباً ما بتكون طريقة التواصل دي عن طريق الانترنت و مواقع التواصل الاجتماعي مواقع التواصل الاجتماعي هتديك الفرصة انك تتعرف و تتواجد في السوق بقوة , عن طريق المحتوى الكتابي (بوستاتك) , اللوجو الخاص بيك , الاعلانات اللي بتقدمها  , و غيره من طرق التواصل الكتير جداً .و من اهم الحاجات اللي لازم تاخد بالك منها انك تستعين بخبير في مواقع التواصل الاجتماعي لانك لما تشتهر هتتعرض لمشاكل كتير و محاولات اختراق اكتر لصفحاتك .5-الشهرة :عشان تكبر الصفحة بتاعتك و تخليها توصل لاكبر عدد من الناس لازم تمشي على كام خطوة كدهالخطوة الأولى :خانة ال about  او ال bio بتاع الصفحة لازم تكتب فيها تفاصيل البراند بتاعك باختصار و من غير ملل (انت مين و بتعمل ايه ), و حط فيها لينكات باقي مواقع البراند , حطعنوان المقر بتاع البراند , و تليفون او طريقة تواصل الخطوة التانية :مينفعش تنزل مرة واحدة بكل افكارك على الصفحة لانك مش هتبقى ضامن رد فعل الناس و هل هيبقى في رد فعل اصلا و لا لأ , قبل ما تبدأ تنزل افكارك على الصفحة اقرأ الاربع خطوات دول 1-لازم تبقى عارف احتياجات جمهورك و اهتمامتهم و دارسها كويس اوي 2-دور كويس جداً في السوق و عند المنافسين بتوعك , ادرسهم كويس و اعرف الثغرات اللي عندهم , و خلي عيوبهم هي مميزاتك  3-خلي عندك خطة متكاملة للتسويق4

-ادي النهاردة عشان تكسب بكرة
الخطوة التالتة:خلي عندك  الهاشتاج الخاص بيك , الهاشتاج بيخليكي توصل لعدد اكبر من الناس بطريقة اسرع , و بتخلي بوستاتك تبان اكتر في عمليات البحث .

دلوقتي انت بقيت مستعد تعمل البراند الخاصة بيك …..بالتوفيق يا بطل.