الرئيسية / تسويق الكتروني / 9 خطوات لتكوين براند شخصى بديل لبراند شركتك
البراند-الشخصى-

9 خطوات لتكوين براند شخصى بديل لبراند شركتك

البراند-الشخصى-

سمعت عن الدكتور الشاطر اللى عنده 68 سنه إللى قعد يبنى سمعه وثقة  لعملائه أكتر من 25 سنة ؟
سمعت عن الدكتور – الشاطر برضه – إللى عنده 30 سنه إللى قعد ينزل محتوى كويس لمدة سنتين على صفحته إللى فيها 200 الف ؟
هناك طرق مختصره مفيش كلام …!!
هنتكلم إنهرده عن فكرة الـPersonal Brand وإزاى تطور نفسك فيه على الإنترنت عشان تبقى مشهور بمجالك ويثق فيك عملائك
ملحوظة : الكلام هنا مناسب لو إنت بتقدم/بتقدمى خدمة بإسمك .. كطبيب , مدرب , مستشار عقارى , كاتب , مخرج , مصور , مسوق , ميكب أرتسيت , مصمم أزياء , فنان او كاتب , وغيرهم .. والبراند الشخصى مختلف تماماَ لو وجودك فى السوق بإسم شركة أوبراند عادى J
خلونا نقول خطوات  إزاى تكون من  الـ influencers  ف السوشيال ميديا فى مجالك

براند شخصى
الخطوة الأولى :
جاوب على الأسئلة دى بصراحه مع نفسك  لو مهتم يكون عندك براند شخصى :
إيه هى مهاراتك ؟ حدد ايه السكيلز اللى عندك فى صورة نقط
إيه هو شغفك ؟ بتحب شغلك بجد ؟ اوعى تكون واخده مرحلة إنتقالية
إيه نقطة تميزك عن الكل ؟ ليه ممكن تكون احسن واحد فى شغلانتك فى عيون الناس ؟ رغم إنك مش الأكتر خبرة ؟

الخطوة الثانية :
قد ايه انت ملموس ؟
صحابك ومعارفك بيقولوا عنك ايه وشايفينك إزاى  ؟
عملائك او جمهورك عارفينك إزاى وبيقولوا عنك إيه ؟
الإنترنت بيقول عنك إيه ؟ عملت سيرش عن نفسك فى جوجل ؟

wideo-13-10
الخطوة التالته  :
عاوز تروح فين ؟
– كده كده هتتشهر وهيكون فى ناس تعرفك ومتابعينك أونلاين .. ف ده مش الوجهة اللى بنتكلم فيها
– عاوز تبيع كورسات بتاعتك او كتب عن مجالك ؟
– عاوز تزود مبيعات شغلك والناس تجيلك بالإسم ؟
– عاوز تنشر علم ومعرفة فى مجال معين حاسس انك قوى فيه  ؟
– عاوز تغير إيه فى السوق والمجال إللى انت فيه ؟ لإنك هتكون مؤثر
بناء براند شخصى

الخطوة الرابعة
إبنى البراند بتاعك
– إختار لنفسك لوجو وسلوجان يكونوا بيعبروا عنك فعلاَ وعن رسالتك .
– صمم لنفسك صورة فيكتور او كرتون .. عشان تكون خفيفة لما الناس تشوفها J
– إختار ألوان وهوية كاملة خاصة بيك .. عشان الناس برضو تعرفك بيها
إتأكد ان الإسم اللى اختارته .. موجود كدومين لموقع ومتاح على كل شبكات التواصل ..

  • إبتدى إحكى حكاياتك اليومية العادية .. علم الناس منها حاجات صغيرة عن مجالك , ركز على العيوب اللى فى شغلك وايه الحلول ليها .. إبتدى أكتب محتوى وصوره .. او نزله مكتوب .. وهكذا

    تابع قراءة  خطوات تكوين براند شخصى أو الـPersonal Brand

    طور-نفسك-بنفسك
    الخطوة الخامسة
    إنت مش عادى حتى لو إنت عادى
    إبتدى سلط الضوء على الحاجات اللى حواليك فى حياتك زى :
    البيت والحى اللى انت ساكن فيه .. اتكلم عنه
    الأماكن والمطاعم والكافيهات اللى انت بتحبها وبتروحها .. وأتصور ونزل صورك فيها
    الأحداث المهمه المرتبطة بمجالك او حتى مش مرتبطة .. زى المؤتمرات والإيفنتات , المسرحيات والحفلات

    ملحوظة : لو إبتديت تحس إنك كده بقيت Over وإنك مش الشخص اللى بيعمل الحاجات دى
    ده طبيعى .. هيكون ليه معنى من 2
    عندك إنكار ذات ومابتحبش تتكلم عن نفسك … ودى حاجه جميلة .. ومش كل الناس هينفع تكون Public Figure
    المعنى التانى : إنك مش بتحب تعمل الحاجات دى بنفسك .. خليك زى أى نجم او ممثل .. خلى حد هو اللى يدير حساباتك على السوشيال ميديا ودى تكون شغلته .

    مشاهير-السوشيال-ميديا

    الخطوة السادسة
    كون علاقاتك الخاصة
    أى شخصية عامة ليها شبكة من العلاقات من الـ influencers  زيهم
    – عشان تعرف ده تابع الأجانب فى نفس مجالك او غيره .. وشوف إزاى بيكونوا علاقات أكبر
    على لينكد إن او تويتر
    – شارك فى المنتديات والجروبات المتخصصه بمجال شغلك .. لو مفيش جروبات زى دى خليك إنت اللى بتعملها
    – بره الإنترنت .. روح كل مناسبه جوه بلدك او بخارجها ليها علاقة .. خليك متواجد دايماَ هيفيدك فى براند الشخصى بتاعك انه ينطلق بره حدود بلدك كمان

    محتوى-حصرى

    الخطوة السابعة :
    إعمل محتوى حصرى

    – خلى عندك موقع إلكترونى او مدونة تنشر فيها المحتوى المهم .. دى هتكون مرجع دايماَ لمحركات البحث
    لو كل إسبوع بتكتب مقالة واحده فى نص ساعة .. بعد سنة هيكون عندك 52 مقالة مفيدة لو بتدور على براند شخصى

    – خليك متواجد على كل السوشيال ميديا .. بس مينفعش يكون ليك اكونت مش نشط
    لو حاسس انك مش هتقدر ومعندكش فريق يتابعهم
    إكتفى بالآتى : فيس بوك , إنستجرام , تويتر , لينكد إن
    – نوع طريقة كلامك فى كل شبكة سوشيال ميديا بما يتناسب مع الشبكة وجمهورها

    أفكار تسويقية
    أفكار تسويقية

    الخطوة الثامنة
    خليك مشارك أكتر
    – رد واتدخل مع جمهورك فى المحادثات ومابينهم
    – خلى مواقع ومدونات تانيه او قنوات تلفزيونية تتكلم او تكتب عنك او تعمل معاك حوار
    – لو لقيت حاجه مفيدة فى مجالك .. ماتترددش انك تشيرها على قنواتك

    براند-شخصى

    الخطوة التاسعة :
    إفهم وإتحكم وقيس النتائج 
    هتلاقى ناس كتير بتكلمك .. إسمع منهم
    هتلاقى ناس كتير بتحبك وبتهتم برأيك .. خليك متواضع
    إبعد عن السياسة والكورة ..متخليش حد يكرهك
    إستخدم ادوات تساعدك تشوف كل الأسئلة والمحادثات .. وحاول ترد على أغلبهم
    دايما خلى الناس حاسه إنك اللى بتتكلم ع الصفحة .. حتى لو فى فريق بيديرها ليك
    وإفتكر ان ده براند شخصى مش صفحة شركة .. فإتعامل بحرية

عن Yoga-Mind

مؤسس منظومة اليوجا لدعم العمل الحر والتسويق الإلكترونى , أهتم بالتطور وريادة الأعمال , أسست عدة مشاريع فى السوق العربى منها من فشل ومنها من تعطل ومنها من يستمر بالنجاح ولدى إيمان مطلق بأن رحلتنا فى الحياة لنترك بصمة فى حياة الشعوب وتغيير واقع شبابنا العربى

شاهد أيضاً

أفكار تسويقية

أفكار تسويقية جديدة لمشروعك – 20 فكرة –

هل تبحث عن أفكار تسويقية ؟ ” من الصعب ان تكرر نفس الأفعال وتتوقع نتائج ...

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *