الرئيسية / عالم المشروعات / إحذر .. فيروس فى السوشيال ميديا قاتل
final1

إحذر .. فيروس فى السوشيال ميديا قاتل

الفيروس فيه س.م قاتل

سمعت عن الفيروسات النزفية ؟ بعض الحقائق عن فيروسات سريعة الإنتشار
بلا أى مضادات حيوية واغلبهم بلا لقاح

  • فى مقاطعة ماربورج الألمانية أصيب إنتشر وباء عن طريق قردين جاءوا لمعمل من أفريقيا
  • والتر ريد الطبيب الشجاع طارد الحمى الصفراء فى غابات كوبا وليساعد العالم على علاج الفيروس الفتاك قرر ان يصيب نفسه به ليكتشف علاج .
  • فيروس الإيبولا أصيب به طفل توفى هو وأمة من خفاش وأصيب من كان بالجنازة بالمرض كما إنتقل إلى (9) بلاد فى إفريقيا
  • الدرس قاسى من الفيروسات من أيام الطاعون والتيفويد والإنسان لايقاوم بوسع كائن حى لايرى ان ينهى حضارتنا بالكامل .
    – لحظة يافندم المقالة  مش عن الطب كلامنا عن المحتوى الفيروسى اللى بينتشر بسرعة مهولة على الإنترنت مش بتقدر تعرف بدأ منين , حلم اى ماركتير او صاحب موقع او براند انه يوصله , إنتشار مفيد جدا احيانا وضار جدا جدا فى غالب الأوقات للأسف
  • ايه هو الفيرال كونتنت ( الإنتشار الفيروسى للمحتوى ) ؟
  • أكيد عرفتم ليه سبب التسمية , لقدرة الفيروسات الفظيعة على الإنتشار المحتوى اللى بيطير ع الإنترنت ممكن تسميه حديث الساعة , ملايين او عشرات الملايين من المشاهدات والمشااركات للأسف المحتوى الفيروسى السلبى اكثر قدرة على الإنتشار بـ(6) أضعاف عن المحتوى الإيجابى زى الفضايح مثلاً

هناك فارق بين الـviral content او الـshareable content او المحتوى القابل للإنتشار
الـshareable ممكن يكون نوع من انواع المحتوى الفيروسى
طب ايه هى أنواع المحتوى الفيروسى :

  • الأخبار الفيروسية : الخبر اللى بياخد التريند , ممكن ميكنش اهم خبر او يكون إفتكاسة بس بينتشر إنتشار مهول , زى القبض على فنانة , إعتزال فنانة , او خبر بائع الفريسكا او فستان لونة متغير, ابليكيشن كسب , او طالب ماكسبش وعمل كسب أى حاجة بتاخد الترند يومين , تلاته , إسبوع لحد ماتتنسى ف ثانية زى ماظهرت فى ثانية وييجى حاجة غيرها ساعات ممكن متشفش المحتوى ده عالنت بس تسمع الناس بتتكلم عنه فى الشغل ف المواصلات هو اللقطة الاولى .
  • تبعات الخبر الفيروسى : الكوميكس اللى معمولة ع الخبر , النكتة والأفيه , الفيديو التركيب والصورة اللى من فيلم قديم ودى بتنتشر اكتر من الخبر نفسة , اكيد جه ف بالك دلوقت حاجات كتيـــر ساعات بتعرف الخبر منها وتنشرها قبل ماتعرف المصدر الاصلى ,
  • المحتوى الغريب , المثير او المضحك : إنتشار فيروسى لايقارن , مش بيكون أكتر من الأخبار من ناحية ال Momentum ولكنه بيكون إنتشار مستمر , بمعنى ان الفيديو او الصورة هتفضل فيروسية وبتنتشر بين الناس شهور ويمكن سنين ,
  • الـShare-able : ده محتوى قابل للإنتشار , ممكن يكون البراند هو اللى عامله لنفسة زى صور نفسك بكيس الشيبسى او الكانز وإبعتهولنا , زى إبعتها لـ10 أشخاص وهتسمع خبر حلو L وزى بوست فيه لينكات كتب او كورسات كتير ف الناس هتشيرها لتعم الفايدة

ممكن يكون موقع بيعمل Lock للمحتوى ويلزمك انك تشير ف تحققله إنتشار عشان توصل للى إنت عاوزة وهكذا هو ال Shareable  قابل للإنتشار دوما.

  • إزاى ممكن تستفاد من المحتوى الفيروسى ؟
  • انك تُركبه وتربطة بنفسك او بالبراند بتاعك , تشوف اى نقطة ليك وتتكلم عنها وتحطلها حل او تستغلها كمثال إستغلال صمغ يوهو لحادثة توت عنخ آمون J وده طبعا إسمه ” نيوز جاكينج”
    اهم حاجة ماتوسعش منك وتحاول تركب فيرال غير مناسب ليك ف هيبقا المحتوى بتاعك ماسخ اوى .

إزاى ممكن تعمل المحتوى الفيروسى أو الـshareable ؟ :

  • الفيديو ثم الصور هو اكتر قدرة ع الإنتشار , ممكن تعمل محتوى share-able بأفكار كتيرة مبدعة وجذابة تحققلك إنتشار بهدية او بخصم للي هينشر المحتوى بتاعك بأى فكرة شريفة زى ما براند دولابى عمل هنا https://goo.gl/VYvrS1
  • ممكن تعمل كوميكس وتربطها بمجالك بتمبليت من ملتقى الكوميكس اجدع ناس هتلاقيهم
  • المحتوى الفيروسى كالأخبار مش هتعملها دى بتتخلق لوحدها مش هتقدر غير تنشرها إلا لو هتخلى نفسك انت الخبر وتحقن نفسك بالفيروس زى والتر ريد .

    freelancer-vs-agency-overhead-shutterstock_220838695

حقائق وسلبيات عن المحتوى الفيروسى :

الإشاعات الطبية والدينية والنصبات الكاذبة هتلاقى دايما اخبار بتنتشر وبتجيلك فى إيميلات او ناس بتشيرها وهى ملهاش اساس من الصحة زى الإندومى اللى بيسبب الزهايمر وسرطانات الثدى و المخ وإرتفاع الضغط لدرجة صدور فتوى فى إحدى البلاد الشقيقة تقتضى بتحريمة , , واكيد عدت عليك الإيميل بتاع ان واحدة من بوركينا فاسو أختارتك عشان تأمنك على ميراثها بـ5 مليون فرنك , الخطر الوحيد من الإندومى هو زيادة الوزن ولكن لم تنتشر الدراسات التى تؤكد ذلك لأن المحتوى السلبى هو مايطفو على السطح ومفيش حد هيحولك فلوس من بوركينا فاسو للأسف , ولكن الالاف دوما يصدقون كل ماينٌشر

  • المحتوى هدفة الأساسى ترافيك او زيارات , فى ناس مستعدة تعمل اى حاجة , اى حاجة فعلاً عشان تجيب زيارات او تزود التفاعل ,
  • مزارع المحتوى ممكن تفبرك خبر او تكتب خبر عادى بصيغة غير عادية عشان خاطر الزيارات وللأسف جرايد كبيرة بتعمل كده
  • هدفنا الأصلى زيادة محتوى عربى محترم ومفيد لكن الفيروس معدى ومضر بينشره الأغلبية والأغلبية دوما لا يفضلوا المحتوى الهادف .
  • الصعوبة والمهارة مش انك تعمل محتوى ينتشر كتير, الإحتراف الحقيقى انك تعمل محتوى هادف ينتشر , زى اتنين شغالين أدسينس واحد طلع عينه عشان يعمل فيديو انيميشن مفيد بيبسط فيزياء الكم ونظرية النسبية حقق 34 الف مشاهدة بالعافية بربح لايتعدى 40 دولار , واحد تانى صور فيديو لرقاصة فى فرح حقق 4 مليون مشاهدة , بربح لايقل عن 4 آلاف دولار
  • لو عاوز تفهم أكتر عن المحتوى الفيرال وإزاى تستفاد منه لموقعك وتجيب أكتر من 100 الف زيارة ده كورس من يوديمى https://goo.gl/hTPvvf إسمه Viral Marketing – How I Get 100,000 Views Monthly وفيه Case-Study كاملة تقدر تطبقها لنفسك
    سعر الكورس20$ ولينك التحميل المجانى الخاص بيه اهو http://goo.gl/XYia5A
  • الخاتمة إن المحتوى الهادف اللى انت عملته وإنتشر حتى لو إنتشار بسيط دايما ده هيكون لصالحك دنيا وأخرة وخير الكلام زى ماقال خاتم المرسلين: <<إذا مات ابن آدم انقطع عمله إلا من ثلاث: صدقة جارية، أو “علم ينتفع به” أو ولد صالح يدعو له >>

#يوجانيزم

 

عن Yoga-Mind

مؤسس منظومة اليوجا لدعم العمل الحر والتسويق الإلكترونى , أهتم بالتطور وريادة الأعمال , أسست عدة مشاريع فى السوق العربى منها من فشل ومنها من تعطل ومنها من يستمر بالنجاح ولدى إيمان مطلق بأن رحلتنا فى الحياة لنترك بصمة فى حياة الشعوب وتغيير واقع شبابنا العربى

شاهد أيضاً

1200x627-10-recovered-recovered-recovered

ماهى الجمعة السوداء ؟

فى هذه المقالة سنتناول كل مايخص الجمعة السوداء سواء كمشترى او صاحب مشروع او مسوق ...

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *