الرئيسية / حكايات تحفيزيه / كيفية التسويق العقارى المحترف , قمة العمل الحر
كيفية التسويق العقارى
كيفية التسويق العقارى

كيفية التسويق العقارى المحترف , قمة العمل الحر

تريد معرفة المزيد بشكل منظم عن التسويق العقارى ؟
من المعروف ان العقارات هي السلعة الأنشط دائماً والأكثر مردوداً , الحاجة الوحيدة اللى سعرها لايقل ولا يتأثر بأى إضطرابات
ارتفاع سعرها اكتر من الذهب والدولار , الإستثمارات العقارية لاتنتهى والبائعين والمشتريين عملية لا نهائية ,
فهو دائماً سوق مفتوح
المقالة دى لو انت بتفكر تدخل المجال هنتكلم فيها عن أساسيات التسويق العقارى للشركات سواء الشركة
( مالكة , ام مسوقة )
وايه اهم انواع التسويق العقارى فى السوق ومردودها وإزاى لو انت فرد تقدر تخش المجال ده وتبدأ عملك الحر الخاص
منظومة اليوجا لها الشرف انها شاركت فى السوق العقارى المصرى كمسوق للعديد من اصحاب المشاريع ” سكنى , سياحى ” وايضاً إدارة مشاريعها التسويقية الخاصة فى السوق العقارى المصرى وتستمر الحكاية
هحاول ابسط الموضوع بشكل سهل وسلس هنتخيل العملية كلها فى 4 صناديق نجاحك دايماً انك تخلى كل صندوق منهم يتملى ويفيض على الصندوق اللى بعده

  • التسويق الالكترونى العقارى
    التسويق الالكترونى العقارى


    الصندوق الأول ” إينباوند ”

    المقصود هنا الناس اللى بتتصل بيك عشان تطلب منك عقار ودول الاهم
    لأن العميل هو اللى جالك وبيسأل عليك ,
    طيب إزاى العميل هيوصلك ويسألك على عقار او مشروع فى منطقة معينة
    أ – تسويق إلكترونى : ليه نصيب الأسد فى تسهيل عملية بيع العقارات فى الوقت الحالى , ودي ميزة هتساعدك جداً لو إنت مبتدىء وبيتقسم لإعلانات
    (1) مواقع مجانية وإعلانات مبوبة تقدر تعلن فيها

(2) مواقع إعلانات مميزة مدفوعة : وخليك وإنت بتختار المواقع دى تكون متأكد انها موثوقة وان بيخش عليها ناس كتير , ف هيخلى عقاراتك تتشاف

(3) إعلانات على السوشيال ميديا وبتحدد حجم الميزانية حسب حجم عقاراتك

(4) إعلانات محركات البحث : جوجل أدوردز وهنا بتحدد إعلانك على حسب الكلمات اللى الناس بتبحث عنها مثال : شقق للبيع فى التجمع , شاليهات فى الساحل الشمالى بالتقسيط , وبتتحاسب بالضغطة على اعلانك

(5) SEO وتصدر موقعك فى محركات البحث : هنا بيجيلك ناس بتعمل بحث على جوجل , ولكن بشكل مجانى تماماً , لو عندك موقع متصدر فى كلمات بحث عقارية قوية , والموقع بيظهر صفحة اولى فى جوجل , دى بالنسبة ليك ماكينة فلوس مش بتدفعلها مصاريف طبعاَ عشان تكمل التسويق

أ – تسويق (مش) إلكترونى :

اى حاجة بره الإنترنت , شاملة الجرايد ويافطات المواقع واى حاجة بره النت

فى الوقت اللى احنا فيه 65% بيعتمدوا على الإنترنت فى شراء العقار فى القاهرة الكبرى , ولكن لاتهمل اللى خارج  الإنترنت رغم انه اعلى فى التكلفة .
التسويق فى الأساس إستثمار , ف اكيد لازم تبدأ تدفع فلوس عشان عملاء اكتر يشوفوك وبعدين ناس منهم يجولك زيارات وناس منهم يشتروا

خلاصة الصندوق الأول : العملاء فيه بيتصلوا بيك بتحدد ايه اللى هما عاوزينه ؟ الميزانية بتاعتهم ايه ؟ وهدف الشراء إستثمار , ولا هيتجوز ولا هيعزل ولا ايه بالظبط  مصداقيتك دايما والمامك بكافة التفاصيل .


  • داتا تسويق عقارى
    داتا تسويق عقارى


    الصندوق الثانى ” اوتباوند”

وفيه انت اللى هتتصل بالعملاء
النوع  الاول : بيكون بالعملاء اللى جولك من اول صندوق بتوفرلهم طلباتهم وبتقلهم طرق السداد والاسعار والموقع , وبتقفل المكالمة على معاد للزيارة انه ييجى يشوف المشروع نفسه .

النوع  الثانى : وده انت بتتصل فيه بعملاء ما إتصلوش بيك قبل كده انت جبت الداتا بتاعتهم بأى وسيلة بنلاقي ناس بتبيع داتا تسويق عقارى او داتا عملاء عقارات بس لو هما عملاء بجد هيبيعهم ليه؟ , وبتحاول تشوف لو عندهم النية فى الشراء لعقار ولا لأ , لو عندهم هتعرض خدماتك , لازم النوع ده يتطبق بإحترافية وتكون بتدور على مصلحة العميل فعلاً وتلعب على جزئية الإستثمار وتكون مدعمها بمعلومات رقمية واضحة للثقة  , وفى نفس الوقت الداتا دى تكون لناس – مهتمة – او لديها القدرة على الإستثمار العقارى فعلا ً ويطلق عليه المكالمات الباردة ويكون لإداره المبيعات سياسة واضحة
فى سكريبتات المكالمات الباردة

التسويق العقارى
التسويق العقارى

  • الصندوق التالت : ” المتابعة المستمرة “

 قرار الشراء لعقار مش قرار سهل , وعشان كدة – فى الغالب – محدش بيشترى شقة من مكالمة تليفون او فى اسبوع , بيتصل بكذا حد غيرك وممكن يقعد شهور ميشتريش ومش واخد القرار , هنا بتيجى قصة المتابعة
دايماً 96 % من المبيعات  جايه من متابعة العميل مرة كننا بنعمل إستطلاع عن المتابعة فى الشركات ,
كلمنا 10 شركات فى القاهرة الجديدة , 6 منهم عملوا معانا متابعة بعدها بإسبوع وبعدها بشهر 2 بس من الـ6 إللى عملوا متابعة , وبعدها بشهرين مكانش في إلا شركة واحدة اللى بتفكرك بعروضها برسايل او بتعيد عليك ,
او بيتصلوا كل شوية بيقلولك نويت ولا لأ لو انت عميل هتشترى من مين ؟ .

الغلط اللى بيقع فيه شركات او مستشاريين عقاريين انه دايما ً بيدى إهتمام اكبر للعميل الجديد او الـ ” Hot Lead  ” اللى لسه متصل فى اول صندوق
ومش بيهتم بالعملاء القدام اللى عنده

%d8%aa%d8%b3%d9%88%d9%8a%d9%82-%d8%b9%d9%82%d8%a7%d8%b1%d9%89

  • الصندوق الرابع : ” إتمام الصفقات والتحليل ”

إتمام الصفقات :

بيتجمع فى الأخر مايفيض من كل الصناديق اللى فاتت فى الصندوق ده
وده بيكون عملية إتمام الصفقة ودى من ميزات المستشار الناجح انه يعرف يقفل الصفقات , لازم يكون عندك كل المعلومات عن العقار اللى بتبيعه من ترخيص الارض وترخيص البناء , ودخول المرافق , ونظام السداد وبنود العقد بند بند لأن العميل ممكن يحتاج يعدل فى العقد وازاى توازن الدنيا بين كل طلباته وتنسق إنك تاخد عمولتك سواء من طرف واحد او من الطرفين
كل التكنيكات دى هتكسبها بالممارسة , وهتتعلم فيها كتير دايماً وهى بعيدة نسبياَ عن التسويق العقارى ولكن تعتبر ضمن دور المبيعات  .
التحليل  :

دى نقطة هامة بتغفلها شركات كتير , وهى بتحصل فى كل صندوق
إنك تحلل نتايجه , يعنى فى اول صندوق بتحلل كل مصدر عميل مهتم كلفك قد ايه وجه منين , يعنى إعلانات فيس بوك مثلا ً 150 عميل والجرايد 50عميل والمواقع المجانيه 10 عملاء وموقعك 2 عميل وتحاول دايما تحسن شغلك فى كل اسلوب فيهم وتحقق فيه ارقام احسن .

بتمشى الحسابات لحد الأخر فى تحليلك بحاجة أسمها قانون المتوسطات low of average
وهو انك بتفضل تحسب والله انا جالى 1000 إتصال الشهر ده , وجالى منهم 50 زيارة بسيطة يبقا قانون المتوسطات هتقسم الـ1000/50 = 20 اتصال لتحقيق زيارة واحدة , ولما تلاقى ان الـ50 زيارة عملوا (2) عميل اتم عملية الشراء يبقى كل 25 زيارة عندك بـتحقق منهم بيعه
يعنى لو عاوز فى شهر تعمل 10 بيعات ب8 مليون مثلاَ , يبقا هتحقق 25*10 = 250 زيارة
اللعبة الجميلة دى , انها دايما بتنجح جربها وهتشوف , بالعكس بتلاقى النتايج كمان احسن من الحسبه ولو قلت بتقل حاجة بسيطة , طبعاً الرزق بتاع ربنا , بس ماتنساش مالايمكن قياسة لايمكن إدارته , وكل ما زودت فرصك هتزود إحتمال تخليصك لصفقات كتير .
أتمنى ما أكونش طولت عليكم وبنرحب بأى اسئلة على صفحتنا
www.facebook.com/yoganism11

 

عن Yoga-Mind

مؤسس منظومة اليوجا لدعم العمل الحر والتسويق الإلكترونى , أهتم بالتطور وريادة الأعمال , أسست عدة مشاريع فى السوق العربى منها من فشل ومنها من تعطل ومنها من يستمر بالنجاح ولدى إيمان مطلق بأن رحلتنا فى الحياة لنترك بصمة فى حياة الشعوب وتغيير واقع شبابنا العربى

شاهد أيضاً

1200x627-10-recovered-recovered-recovered

ماهى الجمعة السوداء ؟

فى هذه المقالة سنتناول كل مايخص الجمعة السوداء سواء كمشترى او صاحب مشروع او مسوق ...

تعليق واحد

  1. مقالة مفيدة جدا وشاملة

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *