الرئيسية / حكايات تحفيزيه / حكاية القرد – حدوتة لفريقك –
9se_1166x842_msmd

حكاية القرد – حدوتة لفريقك –

القرد يرى القرد يفعل حكاية لفريق عملك

إسمعوا الحدوتة دى  فى حكاية عن مجموعة من العلماء , حطوا 5 قرود فى اوضة , وعلقوا موز فى السقف وحطولهم سلم عشان يطلعوا يجيبوا الموز ,
طبعاً القرود بتروح ع الموز بالفطرة , بس كل ماييجى قرد يطلع يجيب الموز
كانو يفتحوا خراطيم الميه على باقى القرود
فايغرقوهم كلهم ويقع القرد من ع السلم , بقت تخاف القرود تطلع ولو حاول قرد فيهم يطلع للموز باقى القرود بتضربه عشان ميجبلهمش الأذى ويترش عليهم ميه

شالوا قرد من الـ5 , وحطوا قرد بداله , اول ماييجى يطلع يجيب الموز , باقى القرود تضربه لاحظوا انه مشافش موضوع الميه

شالوا قرد كمان وحطوا قرد  وبرضه القرود ضربته , لحد ما اتغير الـ5 قرود وفضل 5 قرود مشافوش الميه وهى بتترش عليهم قبل كده , بس كل ماييجى حد يطلع يجيب الموز كان باقى القرود بتضربه مع انهم مشافوش الميه وهى بتترش والفطرة بتاعتهم اتغيرت انهم بقوا يبعدوا عن الموز عشان القرود اللى قبلهم كانو بيعملوا كده
من هنا جت مقولة
Monkey See , Monkey Do  

ايه رأيكم ؟؟ تعالوا نقيس ده على الشركات الناشئة او ريادة الاعمال
المقصود انك لما بتخش اى مجال بتتطبع بشكل الناس اللى فيه وبتعمل زيهم

وبرضه لو انت صاحب مكان , هتلاقى الناس بتتطبع بالمكان اللى هى دخلته
التطبع ده ممكن يكون فى حاجات  إيجابية وممكن يكون فى حاجات سلبية

لو الناس بتشرب سجاير فى البلكونة , هو هيشرب زيهم فى البلكونة , لو الناس بتصلى هو هيصلى زيهم
لو الناس بتشتم فى المدير هو كمان هيشتم فيه , وهكذا ,
عشان كده حاول دايما على قد ماتقدر تغرس حاجات وتعود الناس اللى عندك فى شركتك او فى فريقك على حاجات يتعاملوا بيها لأن لو جه 100 واحد هيعمل زيهم 

هيتطبعوا عليها حتى لو حاجات صعبة هتعلمهم بشكل غير مباشر وكل حد هييجى المكان هيتطبع بيها وهيتأسسوا صح
ولو انت ستارت اب وبتبدأ فكرتك ومعاك فريق عمل وهتكبروا الدنيا , برضه طريقة كلامكم مع بعض هو اللى هيتعامل بيه اى حد هييجى من بعدكم

ياترى ايه الحاجات اللى محتاج تعود فريقك او شركتك عليها ؟
وايه العادات السلبية اللى شفتها فى اماكن قبل كده ؟
#يوجانيزم

 

عن Yoga-Mind

مؤسس منظومة اليوجا لدعم العمل الحر والتسويق الإلكترونى , أهتم بالتطور وريادة الأعمال , أسست عدة مشاريع فى السوق العربى منها من فشل ومنها من تعطل ومنها من يستمر بالنجاح ولدى إيمان مطلق بأن رحلتنا فى الحياة لنترك بصمة فى حياة الشعوب وتغيير واقع شبابنا العربى

شاهد أيضاً

1200x627-10-recovered-recovered-recovered

ماهى الجمعة السوداء ؟

فى هذه المقالة سنتناول كل مايخص الجمعة السوداء سواء كمشترى او صاحب مشروع او مسوق ...

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *